پنجاب: ابنِ زیاد کی حکومت کا شیعان علیؑ پر جبر جاری، زائرین امام حسینؑ رات سردی میں گزارنے پر مجبور۔

شیعت نیوز: پنجاب میں قائم ابنِ زیاد کی حکومت کا شیعان علی پر ظلم و جبر جاری ، چہلم امام حسین علیہ السلام کی غرض سے جانے والے قافلوں کو پنجاب کی سرحد پر روک دیا گیا۔تفصیلات کے مطابق چہلم امام حسینؑ کے لئے جانے والے زائرین جن کا تعلق جنوبی پنجاب کے مختلف اضلاع سے ہے، اُنہیں پنجاب کے بارڈر رکنی کے مقام پر روک دیا گیا، احمد پور سیال، جھنگ اور چنیوٹ سے تعلق رکھنے والے ایک ہزار زائرین نے رات سخت سردی میں گزاری، پولیس انتظامیہ نے موقف اختیار کیا ہے کہ آپ لوگوں کے پاس روٹ پرمٹ اور اجازت نامہ نہیں ہے، جس کے باعث آپ کو آگے نہیں جانے دیا جا سکتا۔میڈیا سے گفتگو کرتے ہوئے زائر سید غلام عباس نقوی نے کہا کہ ہم امام حسین علیہ السلام کی زیارت کے لئے کوئٹہ کے راستے تفتان جانا چاہتے ہیں، لیکن پولیس انتظامیہ ہمیں آگے نہیں جانے دے رہی، ہمیں مجبوراََ رات سخت سردی میں گزارنا پڑی۔ اُنہوں نے کہا کہ ہمارے ساتھ خواتین، بزرگ اور بچے ہیں، لیکن پولیس انتظامیہ اپنی ہٹ دھرمی پر قائم ہے۔ اُنہوں نے کہا کہ آج ہمیں کہا جا رہا ہے کہ واپس ڈیرہ غازیخان جائیں اور وہاں سے انتظامیہ کے ساتھ معاملات حل کرنے کے بعد دوسرا راستہ اختیار کریں۔ واضح رہے کہ چہلم امام حسین علیہ السلام کے موقع پر پاکستان بھر سے بائی روڈ جانے والے زائرین اس وقت مسلسل کوئٹہ پہنچ رہے ہیں، جہاں پہلے سے کئی ہزار زائرین کی موجودگی کی اطلاع ہے، حکومت کی جانب سے مناسب سکیورٹی انتظامات نہ ہونے کے باعث زائرین کو شدید مشکلات درپیش ہیں۔