خیبر پختونخوا کی جیل میں ۳ خطرنا ک دہشتگردوں کو پھانسی دیدی گئی

شیعیت نیوز: آئی ایس پی آر کے مطابق دہشتگرد کارروائیوں میں ملوث 3دہشت گردوں کوخیبرپختونخوا کی جیل میں پھانسی دے دی گئی ،پاک فوج کے شعبہ تعلقات عامہ کے مطابق تینوں دہشت گردوں کا تعلق کالعدم تنظیموں سے تھااور تینوں نے مجسٹریٹ کے سامنے اقرار جرم کیا تھا۔
پھانسی پر لٹکائے جانے والوں میں ساجد، بہرام شیر اور فضل غفار شامل ہیں۔پھانسی پانیوالا دہشت گرد ساجدولد ابراہیم کالعدم تنظیم کا رکن تھاجو پیر اسرار اوراس کے خاندان کے 8 افراد کے قتل،شہریوں، قانون نافذ کرنیوالےاداروں کے اہلکار و ں پرحملوں اورپشاور ایئرپورٹ پر طیارے پرفائرنگ میں ملوث تھا جس میں خاتون جاں بحق اور 2 مسافر زخمی ہوئے تھے،دہشت گرد فضل غفار سے خود کش جیکٹ برآمد ہوئی تھی جبکہ دہشت گرد بہرام اسکول تباہ کرنے اور فورسز پر حملوں میں ملوث تھا۔