انٹرپولنے فلسطین کو علیحدہ ریاست تسلیم کرتے ہوئے رکنیت دینے کا اعلان کردیا

انٹرپول کی جانب سے جاری بیان میں کہا گیا کہ ہے چین کے دارالحکومت بیجنگ میں ہونے والے انٹرپول کے جنرل اسمبلی اجلاس میں فلسطین کی رکنیت کی درخواست کو دو تہائی اکثریت سے منظور کرلیا گیا اور اب تنظیم کے رکن ممالک کی تعداد 192 ہوگئی ہے۔

غاصب صیہونی حکومت جو کہ خود بھی انٹرپول کی رکن ہے فلسطین کی شمولیت کے سخت خلاف تھی اور اس نے ہر ممکن کوشش کی کہ اس سال بھی فلسطین کی رکنیت کی درخواست پر ووٹنگ نہ ہو جب کہ گزشتہ برس انڈونیشیا میں بھی فلسطین کی درخواست پر ووٹنگ کو مؤخر کردیا گیا تھا۔

اسرائیل کا موقف ہے کہ فلسطین ایک علیحدہ ریاست نہیں ہے اس لیے اسے انٹرپول سمیت کسی بھی بین الاقوامی ادارے کا رکن بننے کا حق حاصل نہیں۔

صیہونی وزیرخارجہ نے اس بات کا اعتراف کیا کہ انہوں نے چین میں ہونے والی ووٹنگ رکوانے کی ہر ممکن کوشش کی لیکن ناکام رہے۔

ادھر فلسطین کے وزیر خارجہ ریاض المالکی نے کہا کہ انٹرپول کے رکن ممالک کی اکثریت نے فلسطین کے حق میں ووٹ دیے اور وہ ان کے مشکور ہیں۔