قطر کو تنہا کرنے میں سعودی عرب کو تاریخی شکست

قطرکی حکومت کے رابطہ عامہ کے سربراہ سیف بن احمد آل ثانی نے کہا ہے کہ قطر کے خلاف سعودی عرب، بحرین ، مصر اور متحدہ عرب امارات کی سازش بری طرح ناکام ہوگئی ہے ، انھوں نے کہا کہ عالمی اور علاقائی سطح پر قطر کو تنہا کرنے کی سعودی عرب کی سازش بری طرح ناکام ہوگئی ہے۔

سیف بن احمد آل ثانی نے کہا کہ سعودی عرب نے میڈیا کے ذریعہ قطر کو بدنام کرنے کے لئے کئی ملین ڈالر خرچ کئے اور قطر کے خلاف بری ، بحری ، ہوائی ، تجارتی اور سفارتی پابندیاں عائد کرنے کے باوجود کچھ نہیں ملا ۔ انہوں نے کہا کہ سعودی عرب اور اس کے حامی 3 ملکوں کی گھناؤنی سازش اورپروپیگںنڈے سے حقائق تبدیل نہیں ہوں گے۔

واضح رہے کہ سعودی عرب اور اس کے حامی 3 عرب ممالک بحرین، متحدہ عرب امارات اور مصر نے قطر پر دہشت گردوں کی حمایت کا الزام عائد کرنے کے بعد اس پر اقتصادی اور سفارتی پابندیاں عائد کردی تھیں۔