نمائش ،ایم اے جناح روڈ پر دہشتگردی کا خطرہ، دفعہ 114 نافذ

شیعیت نیوز: سانحہ لعل شہباز قلندر کے بعد دہشت گردی کے مزید خدشہ کے پیش نظر کراچی میں 15روز کے لئے دفعہ 144نافذ کر دی گئی ہے ۔محکمہ داخلہ حکومت سندھ کی جانب سے جاری نوٹیفکیشن کے مطابق کراچی میں 15 روز کے لئے دفعہ 144 نافذ کر دی گئی ہے۔جس کے تحت ایم اے جناح روڈ، تبت سینٹر، کلفٹن سمیت مخصوص مقامات پر جلسے جلوس اور اجتماعات پر پابندی عائد کر دی گئی ہے۔محکمہ داخلہ کے مراسلے کے مطابق کراچی میں دفعہ 144 آئی جی سندھ اے ڈی خواجہ کی سفارش پر لگائی گئی ہے۔

واضح رہے کہ وزارت داخلہ کی جانب سے ریڈالرٹ جاری کیا گیا ہے جس میں ایم اے جناح روڈ، نمائش، کلفٹن اور دیگر مقامات پر دہشتگردی کا خدشہ ظاہر کیا گیا ہے اور سیکورٹی اداروں کو فول پروف سیکورٹی بنانے کی ہدایت جاری کی گئی ہیں۔