پاکستان کی قومی اسمبلی میں امریکا کے خلاف نعرے بازی اور احتجاج
شیعیت نیوز: ٹرمپ انتظامیہ کیجانب سےسات اسلامی ممالک پرویزا پابندی کے خلاف قومی اسمبلی میں اپوزیشن جماعتوں پیپلزپارٹی ‘ جماعت اسلامی اور تحریک انصاف کا پارلیمنٹ میں شدید احتجاج‘ وزارت خارجہ پارلیمنٹ کو اعتماد میں لینے کے لئے بریفنگ دے‘ حکومت کی جانب سے پارلیمنٹ میں مشترکہ قرار داد پیش نہ کرنے پر حکومت کو شدید تنقیدکا نشانہ بنایا گیا‘ ڈپٹی اسپیکر نے شیریں مزاری کا مائیک بند کردیا ۔
جمعرات کے روز پارلیمنٹ کے اجلاس میں اپوزیشن جماعتوں نے مشترکہ طور پر امریکا کے خلاف تقریر کیں‘ حکومت نے امریکا کے خلاف قرار داد لانے کی مخالفت کر دی ‘شیریں مزاری نے کہا کہ پارلیمنٹ کو وزارت خارجہ سے منظوری لینے کی کیا ضرورت ہے‘ امریکا نے سات ممالک کو ٹارگٹ کیا ہے‘ ڈپٹی اسپیکر نے کہا کہ رولز کے تحت قرار داد کو پراسس کریں ‘ حکومت اور اپوزیشن مشترکہ طور پر قرار داد لے آئیں ۔ شیری مزاری نے کہا کہ حکومت نے امریکا کے اقدام پر کوئی بات تک نہیں کی ہے‘ اسلام اور امت مسلمہ کا ٹھیکیدار پاکستان بنا پھرتا ہے‘ اسپیکر نے شیریں مزاری کا مائیک بند کر دیا‘ انہوں نے کہا کہ امریکا کے اقدام پر حکومت پاکستان بیان جاری کرے ‘۔
پی پی پی کی ممبر نفیسہ شاہ نے کہا کہ امریکا نے ایگزیکٹو آرڈر کے ذریعے سات ممالک کو بین کیاہے حکومت وزیر اعظم اور وزارت خارجہ تمام صورت حال پر خاموش ہیں‘ وزارت خارجہ اس ایوان کو اعتماد میں لے‘ پانچ گمشدہ افراد اچانک منظر عام پر آ گئے ہیں ان کی بازیابی کس ادارے نے کرائی ہے۔
‘جماعت اسلامی کے قومی اسمبلی میں پارلیمانی لیڈر صاحبزادہ طارق اللہ نے کہا کہ یورپی ممالک امریکی انتظامیہ کے اقدام پر احتجاج کر رہے ہیں مگر حکومت پاکستان خاموش ہے ۔ پی ٹی آئی کی ممبر اسمبلی شیریں مزاری نے کہا کہ مجھے وزیر مملکت برائے پارلیمانی امور شیخ آفتاب احمد نے کہا ہے کہ وہ وزارت خارجہ سے اجازت لے کر ایوان میں بات کریں گے کیا پارلیمنٹ وزارت خارجہ کا ماتحت ادارہ ہے‘ یہ سوالیہ نشان ہے اس بیان کی میں شدید مذمت کرتی ہوں
