انتہاپسند تکفیری گروہ پوری دنیا کے لئے خطرہ : ایرانی وزیر دفاع

اسلامی جمہوریہ ایران کے وزیر دفاع جنرل حسین دہقان نے اس بات کا ذکر کرتے ہوئے کہ تکفیری گروہوں سے لاحق خطرہ، صرف عراق و شام تک محدود نہیں ہے، کہا کہ ایران علاقے کی سلامتی کو اپنی سلامتی سمجھتا ہے اور اس کا خیال ہے کہ علاقے میں بدامنی پوری دنیا کے لئے خطرہ ہے۔ایران کے وزیر دفاع نے کہا کہ ایران کے صدر ڈاکٹر حسن روحانی کی جانب سے اقوام متحدہ میں تشدد و انتہا پسندی کے خلاف مہم کی تجویز سے اس بات کی نشاندہی ہوتی ہے کہ ایران، اس چیز کے خلاف مہم کا علمبردار ہے کہ جس نے پوری دنیا کی سلامتی کو خطرے سے دوچار کر دیا ہے۔بریگیڈیر جنرل حسین دہقان نے انتہا پسند تکفیری گروہوں کے خلاف ایران کی مہم کو ایک انسانی ہدف قرار دیا اور کہا کہ اقوام عالم، ایسے لوگوں سے بہت زیادہ نفرت کرتی ہیں جو بے گناہوں کا خون بہانے سے نہیں ڈرتے اس لئے پوری توانائی سے ایسے قاتلوں کا مقابلہ کیا جانا بہت ضرورت ہے۔