داعش نے مزید کئی عراقی شہریوں کو اغوا کر لیا

رپورٹ کے مطابق داعش کے دہشت گردوں نے چون عراقی شہریوں کو اپنے زیرقبضہ علاقے سے نکل کر کرکوک اور صوبہ صلاح الدین جانے کی کوشش کے الزام میں اغوا کر کے حویجہ شہر منتقل کر دیا ہے۔

اس کے باوجود کہ بہت سے عراقی شہری داعش کے زیرقبضہ علاقوں سے نکلنے میں کامیاب ہو گئے ہیں لیکن ان علاقوں میں بعض لوگوں کو داعش نے اغوا بھی کیا ہے اور ان میں سے بعض کو قتل بھی کر دیا ہے۔

جون دو ہزار چودہ میں عراق کے مختلف علاقوں پر داعش کے دہشت گردوں کے حملے کے بعد اس ملک کی تاریخ میں سب سے زیادہ لوگ بےگھر ہوئے اور ہجرت کی سب سے بڑی لہر وجود میں آئی۔

بین الاقوامی رپورٹوں کے مطابق داعش کے حملوں اور مختلف شہروں پر اس کے قبضے کے بعد تقریبا چالیس لاکھ عراقی بےگھر ہوئے ہیں۔