سعودی عرب کی پالیسیوں پر حزب اللہ کی تنقید

حزب اللہ کے نائب سربراہ نے علاقے میں سعودی عرب کی پالیسیوں پر تنقید کی ہے۔

حزب اللہ لبنان کے سربراہ شیخ نعیم قاسم نے منگل کو بعض لبنانی ذرائع ابلاغ سے انٹرویو میں اس بات پر تاکید کرتے ہوئے کہ سعودی حکومت کا کردار امریکہ کے کردار سے بھی بدتر ہے کہا کہ سعودی عرب، مسلح گروہوں کی بدستور حمایت کر رہا ہے اور شامی صدر بشار اسد کی موجودگی کے ساتھ شام کے بحران کے سیاسی حل کی مخالفت کررہا ہے- شیخ نعیم قاسم نے اس بات کی جانب اشارہ کرتے ہوئے کہ سعودی حکومت نے شام میں کافی فوجی ناکامیوں کا سامنا کیا ہے کہا کہ بحران شام کا سیاسی حل جلدی نکلنے والا نہیں ہے اور سب کچھ امریکہ کے صدارتی انتخابات کے بعد پر ہی ٹال دیا گیا ہے-

حزب اللہ لبنان کے نائب سربراہ نے مزید کہا کہ ماسکو اور واشنگٹن کے درمیان مفاہمت شام تک ہی محدود ہے اور یہ مفاہمت ابھی اس سطح تک نہیں پہنچی ہے کہ ہمہ گیر سیاسی اتفاق رائے کے لئے مقدمہ بن سکے-

شیخ نعیم قاسم نے کہا کہ حزب اللہ لبنان، شام میں اپنی موجودگی اور کامیابیوں بالخصوص نئے مشرق وسطی کے منصوبے کو ناکام بنا دینے سے خوش ہے-

حزب اللہ کے سربراہ نے اس بات پر تاکید کرتے ہوئے کہ حزب اللہ شام میں جب تک ضرورت ہوگی باقی رہے گی کہا کہ بشاراسد نے ثابت کردیا ہے کہ وہ ہمیشہ تحریک مزاحمت کے ساتھ رہیں گے-