افغانستان کی حمایت میں رہبرانقلاب اسلامی نے انتہائی موثرکردار ادا کیا ہے-عبداللہ عبداللہ

افغانستان کے چیف ایگزیکٹیو عبداللہ عبداللہ نے  ایک بیان میں افغانستان کے تعلق سے رہبرانقلاب اسلامی آیت اللہ العظمی سید علی خامنہ ای کے موقف کے بارے میں کہاکہ ایران کے پیشوا، افغان عوام کی تاریخ اور ثقافت کے بارے میں بھرپور معلومات اور شناخت رکھتے ہیں اور ان موضوعات پر بہت ہی دلچسپی کے ساتھ باتیں کرتے ہیں –

افغانستان کے چیف ایگزیکٹیو نے افغانستان کی حمایت میں رہبرانقلاب اسلامی آیت اللہ العظمی خامنہ ای کے کردار کو بہت ہی اہم قراردیا – انہوں نے اس بات کا ذکرکرتے ہوئے کہ ایران اور روس، افغانستان میں قیام امن کو پورے خطےکے مفاد میں سمجھتے ہیں کہاکہ علاقے کے ممالک کو افغانستان کے امن مذاکرات کے بارے میں باخبر رکھا جارہا ہے –

افغانستان کے چیف ایگزیکٹیو نے اپنے ملک میں دہشت گرد گروہ داعش کی موجودگی کے بارے میں بھی کہا کہ افغان حکومت داعش کے خلاف بھرپور جنگ کا منصوبہ رکھتی ہے –