شام میں دسیوں مسلح افراد نے ہتھیار ڈال دیئے

شام کی سرکاری خبر رساں ایجنسی سانا کی رپورٹ کے مطابق دمشق کے مضافات میں واقع وادی بردی نامی علاقے کے کم از کم ایک سو افراد نے اپنے اقدامات پر پشیمانی کا اظہار کرتے ہوئے اور معمول کی زندگی گزارنے کے لئے اپنے آپ کو شام کی حکومت کے حوالے کر دیا ہے۔

شام کی بعث پارٹی کے رہنما رضوان مصطفی نے کہا کہ قومی آشتی کے لئےکی جانے والی کوششوں نے مجرم افراد کو واپس لانے اور ان کو ملک کی عمیر نو کے عمل میں شریک کرنے کے سلسلے میں اہم کردار ادا کیا ہے۔

رضوان مصطفی نے مزید کہا کہ شام میں دسیوں افراد کا اپنے آپ کو حکومت کے حوالے کرنا دوسرے مسلح افراد کے لئے اس پیغام کا حامل ہےکہ وہ بھی آشتی کے قافلے میں شامل ہوجائیں اور اپنے گھروالوں کے پاس لوٹ آئیں۔