بھوک ہڑتال کی پہلی کامیابی، خیبرپختونخوا حکومت اور وزیر اعلیٰ شیعہ کلنگ پر بیدار
شیعیت نیوز: مجلس وحدت المسلمین کے اعلی سطحی وفد نے مرکزی ڈپٹی سیکریٹری جنرل مولانا احمد اقبال رضوی کی قیادت میں وزیر اعلی خیبر پختونخواہ پرویز خٹک سے وزیر اعلی ھاوسُ میں ملاقات کی ۔ اس موقع پہ آئی جی ناصر درانی ، ہوم سیکریٹری ، ھنگو، ڈیرہ اسماعیل خان ، پشاور اور ھزارہ جات سے تعلق رکھنےوالے اراکین صوبائی اسمبلی اور دیگر اعلی حکام بھی موجود تھے ۔
ملاقات میں شہداء کے قاتلوں کی فوری گرفتاری ، انکے کیسز کی پیروی ، اھم کیسز کو ملٹری کورٹس میں بھیجنے ، شہداء کے خانوادوں کی مالی کفالت و ملازمتوں کی فراہمی ، سمیت اھم موضوعات پہ اتفاق کیا گیا ۔
پاکستان تحریک انصاف کے سربراہ عمران خان نے بھوک ھڑتال پہ بیٹھے ھوئے علامہ راجہ ناصر سے ملاقات میں ۳ روزُقبل انکو یقین دلایا تھا کہ خیبر پختونخواہ کی حکومت انکی شکایت فوری دور کرے گی اور قاتلوں کی گرفتاریوں کو یقینی بنائے گی اور آج وزیر اعلی پرویز خٹک کی جانب سے ھونیوالی اعلی سطحی میٹنگ بھی اسی سلسلے کی کڑی ھے ۔
واضح رھے کہ مجلس وحدت المسلمین کے مرکزی سیکریٹری جنرل علامہ راجہ ناصر عباس پاکستان میں دہشت گردی ، شیعہ قتل عام اور تکفیری دہشت گردوں کے خلاف حکومتوں کی عدم کاروائی کے خلاف گذشتہ ۱۳ مئی سے بھوک ھڑتال پہ بیٹھے ھوئے ہیں۔
اس ملاقات میں صوبائی ؤزراء مشتاق غنی ، علی امین گنڈا پور بھی موجود تھے جبکہ مجلس وحدت کے ناصر عباس شیرازی ، اسد نقوی ، آغا اقبال بہشتی ، رکن اسمبلی آغا محمد رضا، آغا سبطین اور حسین الحُسینی بھی موجود تھے ۔
