وکی لیکس کے نئے انکشافات

شیعیت نیوز:وکی لیکس نے جرمن چانسلر انگیلا میرکل کی خفیہ نگرانی کے حوالے سے تازہ انکشاف کیا ہے۔ وکی لیکس کے مطابق امریکی خفیہ ادارے ’این ایس اے‘ نے جرمن چانسلر انگیلا میرکل اور اقوام متحدہ کے سیکرٹری جنرل بان کی مون کے مابین 2008ء میں ہونے والی بات چیت سنی تھی۔ اس ملاقات میں بان کی مون نے تحفظ ماحول کے لیے اقدامات اور یورپی رہنماؤں کو ایک جگہ جمع کرنے کے حوالے سے میرکل کی کوششوں کی تعریف کی تھی۔ آج 23 فروری کو جاری ہونے والی وکی لیکس کی دستاویزات میں چانسلر میرکل کی فرانس کے سابق صدر نکولا سارکوزی اور سابق اطالوی وزیراعظم سلویو بیرلسکونی کے ساتھ ہونے والی ملاقاتوں کی خفیہ نگرانی کا بھی تذکرہ ہے۔