اسرائیل کے لئے سعودی شہزادے کی حمایت پر فلسطینی کمیٹوں کا اعتراض

فلسطین کی اسلامی مزاحمتی کمیٹیوں کے ترجمان ابومجاہدنے سعودی شہزادے ولیدبن طلال کے اس بیان پر کہ وہ انتفاضہ قدس میں صیہونی حکومت کے ساتھ ہیں، سخت ردعمل ظاہرکرتے ہوئے کہا کہ صیہونی حکومت کا ساتھ دینا اور فلسطین کا سودا کرنے میں سبقت لینے کی کوشش شرمناک اقدام ہے –

فلسطین کی مزاحمتی کمیٹیوں کے ترجمان نے کہاکہ انتفاضہ قدس کو سبوتاژ کرنے کی کوئی بھی سازش کامیاب نہیں ہوگی کیونکہ فسطینی عوام اپنی جائز و قانونی جد وجہد پر یقین رکھتے ہیں اور استقامت و شہادت کو باعث فخر سمجھتےہیں –

مذکورہ فلسطینی رہنما نے سعودی شہزادے ولید بن طلال کو مخاطب کرتے ہوئے کہا کہ ملت فلسطین امت اسلامیہ کی عزت وشرف کا دفاع کررہی ہے –

واضح رہے کہ گذشتہ کئی ہفتے سے فلسطینی عوام اور مسجد الاقصی پر صیہونیوں کے حملے تیز ہوگئے ہیں جس کے نتیجے میں فلسطینی عوام نے بھی فلسطینی علاقوں میں انتفاضہ قدس کا اعلان کردیا ہے –