گجرات، القاعدہ سے تعلق کی بنیاد پر 2 بھائی گرفتار، شبیر شاہ سمیت 9 افراد کے قتل کا اعتراف

پاکستان کے حساس ادارے نے گجرات میں چھاپہ مار کر دو بھائیوں کو گرفتار کیا ہے۔ گرفتار ہونے والے دونوں افراد کے متعلق بتایا گیا ہے کہ ان کا تعلق القاعدہ سے ہے۔ دونوں ملزمان اسوقت حساس ادارے کے زیر حراست ہیں اور انہیں تحقیقات کے لیے نامعلوم پر منتقل کر دیا گیا ہے۔ گجرات سے تعلق رکھنے والے سینیئر پولیس افسر کے مطابق دوران تفتیش ملزمان نے گذشتہ سال گجرات کے علاقے جسوکی میں 8 افراد کے قتل اور گجرات یونیورسٹی آف گجرات کے پروفیسر شبیر شاہ کے قتل کا اعتراف کیا ہے۔ یاد رہے کہ گذشتہ سال گجرات کے علاقے جسوکی میں اہل تشیع سے تعلق رکھنے والے آٹھ افراد اور یونیورسٹی آف گجرات کے پروفیسر شبیر شاہ کو فائرنگ کرکے قتل کر دیا گیا تھا۔