آئی ایس او پاکستان میں طلباء کی تعلیم وتربیت کیلئے کوشاں ہے، اطہر عمران طاہر
18 فروری, 2014 09:46
امامیہ اسٹوڈنٹس آرگنائزیشن پاکستان کے مرکزی صدر اطہر عمران طاہر نے کہا ہے کہ آئی ایس او کے نوجوان ملک بھر کے تعلیمی اداروں میں امرباالمعروف اور نہی عن المنکر کے فرائض انجام دے رہے ہیں۔ ان خیالات کا اظہار اُنہوں نے ملتان میں آئی ایس او کے زیراہتمام المصطفٰی ایجوکیشنل پراجیکٹ کی تقریب سے صدارتی خطاب کرتے ہوئے کیا۔ اطہر عمران طاہر کا تقریب سے خطاب کرتے ہوئے کہنا تھا کہ آئی ایس او پاکستان میں طلباء کی تعلیم و تربیت کے لیے کوشاں ہے، آئی ایس او پاکستان میں ڈاکٹر محمد علی نقوی شہید کا لگایا ہوا ایک پودا ہے جو کہ آج ایک سایہ دار درخت کی شکل اختیار کرچکا ہے۔ اُنہوں نے مزید کہا کہ آئی ایس او کے سابقین پاکستان سمیت دنیا بھر میں جہاں بھی ہیں معاشرے میں اپنا کردار ادا کر رہے ہیں
