پنجاب دہشتگردی کی آماجگاہ بنتا جا رہا ہے، ندیم افضل چن

سابق چیئرمین پی اے سی ندیم افضل چن نے کہا ہے کہ نواز حکومت نے اپنی کارکردگی سے عوام کو بری طرح مایوس کیا ہے۔ انہوں نے کہا کہ آٹھ مہینوں میں عوام کی مشکلات کم ہونے کی بجائے مزید بڑھ گئی ہیں۔ جو لوڈشیڈنگ ختم کرنے کے دعوے کرتے تھے انہوں نے قوم کو روشنی، گیس اور امن ہر چیز سے محروم کر دیا ہے۔ بھیرہ میں کارکنوں سے گفتگو کرتے ہوئے انہوں نے کہا کہ ماضی کی طرح اب بھی شہباز شریف کو مینار پاکستان میں ٹینٹ لگانا چاہیئے۔ انہوں نے کہا کہ کسی کی جان محفوظ ہے نہ مال، صوبہ فرقہ واریت اور دہشت گردی کا مرکز بن چکا ہے، پنجاب دہشت گردی کی آماجگاہ بنتا جا رہا ہے۔