شیعہ علماء کونسل نے سانحہ راولپنڈی کے اسیران کی رہائی کیلئے وکلاء پینل تشکیل دیدیا

شیعہ علماء کونسل پاکستان کی جانب سے سانحہ راولپنڈی کے الزام میں گرفتار درجنوں بیگناہ شیعہ اسیروں کے کیسز کی پیروی کیلئے سینئر وکلاء کا ایک خصوصی پینل تشکیل دیدیا گیا ہے۔ جو اسیران کے کیسز کی مکمل پیروی کریگا۔ ضلعی صدر ایس یو سی راولپنڈی مولانا قاسم جعفری نے اسلام ٹائمز کو بتایا کہ سینئر وکلاء کا پینل بیگناہ شیعہ اسیران کے کیسز کی پیروی کریگا جبکہ شیعہ علماء کونسل کی جانب سے ابتک 60 عزاداروں کے بیانات بھی جوڈیشل کمیشن کے رو برو ریکارڈ کروائے جا چکے ہیں۔ انکا مزید کہنا ہے کہ ایس یو سی کی کوششوں سے ابتک 40 سے زائد اسیران رہا ہو چکے ہیں جبکہ دیگر افراد کی رہائی چونکہ عدالت سے ہو سکے گی اس لئے وکلاء کا پینل تشکیل دیدیا گیا ہے۔