منیر حسین اور اور ان کی اہلیہ بیگم راضیہ کی شہادت انتظامیہ کی نااہلی ہے ۔ علامہ صادق رضا تقوی

منیر حسین اور اور ان کی اہلیہ بیگم راضیہ کی شہادت انتظامیہ کی نااہلی ہے ۔ علامہ صادق رضا تقوی
قانون نافذ کرنے والے ادارے ٹارگٹ کلنگ میں برائے راست ملوث ہیں ۔علامہ صادق رضا تقوی
6محرم الحرام قصبہ کالونی جلوس پر کالعدم جماعت کی جانب سے حملے کے بعد منیر حسین کوقتل کی دھمکیاں دی جاری تھیں۔
2ہفتوں میں 7شیعہ افراد کو ٹارگٹ کلنگ کا نشانہ بنایا گیا قانون نافذ کرنے والے ادارے کن دہشت گردوں کے خلاف کاروائی کر رہے ہیں

کراچی (شیعت نیوز ) مجلس وحدت المسلمین سندھ کے ڈپٹی سیکرٹری جنرل علامہ صادق رضا تقوی ،عالم کربلائی، حیدر زیدی ،علامہ مبشر حسن اور دیگرنے کہا ہے کہ منیر حسین اور ان کی اہلیہ کی ٹارگٹ کلنگ میں کالعدم گرہوں کے ساتھ سندھ پولیس کے اہلکار بھی ملوث ہے۔وزیر اعلی قائم علی شاہ اس بربریت کاسخت نوٹس لیں اور گورنر سندھ کالعدم دہشت گرد جماعتوں کے سربراہان کے ساتھ اپنے روابط کو ختم کریں۔قانون نافذ کرنے والے ادارے کالعدم دہشت گرد تنظیموں کے خلاف شہرکراچی سمیت پورے ملک میں آپریشن کرے اور شہر قائد میں ان کے دفاتر اور انکی ریلیوں پر پابندی لگائے اور ایسے دینی مدارس جہاں ان دہشت گردوں کی پشت پناہی ہوتی ہے انہیں بھی فوری سیل کیا جائے ۔ان خیالات کا اظہار انہو ں نے امام بارگاہ شہدائے کربلا انچولی میں شہید منیر حسین اور انکی اہلیہ رضیہ خاتون کی نماز جنازہ کے موقع پر شرکا سے خطاب اور میڈیا سے بات چیر کرتے ہوئے کیا۔ ان رہنماؤں نے منیر حسین اور ان کی اہلیہ کی ٹارگٹ کلنگ کی مذمت کرتے ہوئے کہا کہ 6محرم الحرام کو کالعدم تنظیموں کے دہشتگردوں نے جلوس پر فائرنگ اور پتھراو کیا تھا اورجب منیر حسین واقع کی ایف آئی آر کٹوانے گئے تو انہیں پولیس کی جانب سے دھمکایا گیا اور واقع کی ایف آئی آرکٹوانے سے مناکیا گیا اور اب بانی جلوس کو ان کی اہلیہ کے ساتھ شہید کیا گیا ، جس سے یہ بات واضح ہے کہ اس واقع میں کالعدم گرہوں کے ساتھ سندھ پولیس کے اہلکار بھی ملوث ہیں ۔ان رہنماؤں نے واقعہ کی شدید مذمت کی اور قانون نافذکرنے والے اداروں پولیس اور رینجرز کے حکام کو متنبہ کرتے ہوئے کہا کہ وہ وہ فی الفور دہشتگردوں کو گرفتار کریں۔ انہوں نے کہا کہ قانون نافذ کرنے والے ادارے کالعدم دہشت گرد تنظیموں کے خلاف شہرکراچی سمیت پورے ملک میں آپریشن کرے اور شہر قائد میں ان کے دفاتر اور انکی ریلیوں پر پابندی لگائی جائے اور ایسے دینی مدارس جہاں ان دہشت گردوں کی پشت پناہی ہوتی ہے انہیں بھی فوری سیل کیا جائے ۔ انہوں نے کہا کہ کالعدم تنظیموں کہ یہ دہشتگرداسلام اور ملک دشمن ہیں اور وہکبھی انچولی میں بے گناہ شیعہ سنی مسلمانوں کو لہو لہان کرتے ہیں تو کبھی مظلوم بے گناہ منیر حسین اور ان کی اہلیہ کو سفاکیت اور درندگی کا نشانہ بناتے ہیں ۔ ان رہنماؤں نے مطالبہ کیا کہ وزیر اعلیٰ سندھ سید قائم علی شاہ اس بربریت کاسخت نوٹس لیں اور گورنر سندھ کالعدم دہشت گرد جماعتوں کے سربراہان کے ساتھ اپنے روابط کو ختم کریں اور ان سے نرم رویہ اختیار کر نے کے بجائے فوری کارروائی کے احکامات جاری کریں ۔ بعد ازاں امام بارگاہ شہدائے کربلا انچولی میں شہید منیر حسین اور انکی شہید ہ اہلیہ رضیہ خاتون کی نماز جنازہ ادا کر دی گئی۔ جس میں مجلس وحدت مسلمین کے رہنما ؤں علامہ صادق رضا تقوی ، آصف صفوی ،حیدر زید ی علامہ مبشر حسن ،مولانا علی انور تصور ایڈوکیٹ سمیت ملت جعفریہ سے تعلق رکھنے والے علماء و عمائدین کی بڑی تعداد میں شرکت کی اور بعد ازاں ان شہداء کو سپر ہائی وے پر واقع وادی حسین قرستان میں سپرد خاک کردیا گیا۔