ایس یو سی سینٹرل کمیٹی کا اجلاس، سانحہ راولپنڈی کے بعد بلاجواز گرفتاریوں کا معاملہ زیر غور
شیعہ علماء کونسل پاکستان کی سینٹرل کمیٹی کا اجلاس بزرگ رہنما سید وزارت حسین نقوی ایڈووکیٹ کی زیر صدارت ہوا، اجلاس میں علامہ سید ساجد علی نقوی، چاروں صوبوں، آزاد کشمیر، صوبہ گلگت بلتستان سے سینٹرل کمیٹی کے عہدیداران نے بھرپور شرکت کی۔ اجلاس میں ملک کی مجموعی صورتحال خصوصاً سانحہ عاشور راولپنڈی، ملتان، چشتیاں، ہنگو اور حالیہ سانحہ کراچی سمیت ملک کے دیگر حصوں میں پیش آنیوالے واقعات زیر بحث آئے اور ان سانحات کی بھرپور مذمت کی گئی جبکہ بعض اہم اقدامات بھی تجویز کئے گئے۔
تفصیلات کے مطابق شیعہ علماء کونسل کی سینٹرل کمیٹی کا اجلاس بزرگ رہنما سید وزارت حسین نقوی ایڈووکیٹ کی زیر صدارت ہوا۔ اجلاس میں علامہ سید ساجد علی نقوی، صوبہ پنجاب، صوبہ سندھ، صوبہ خیبر پختونخوا، صوبہ بلوچستان، آزاد کشمیر اور صوبہ گلگت بلتستان سے سینٹرل کمیٹی کے عہدیداران نے بھرپور شرکت کی۔ اجلاس میں ملک کی مجموعی امن و امان کی صورتحال خصوصاً سانحہ عاشور راولپنڈی اور اس کے بعد ملتان، چشتیاں، ہنگو اور حالیہ کراچی میں دہشت گردی کے واقعہ سمیت ملک کے دیگر حصوں میں پیش آنیوالے واقعات زیر بحث آئے اور مذکورہ بالا سانحات کی بھرپور مذمت کی گئی۔ اجلاس میں سانحہ راولپنڈی کے بعد بلاجواز گرفتاریوں کا معاملہ بھی زیر غور آیا جبکہ پنجاب حکومت کی جانب سے قائم کی گئی فیکٹ فائنڈنگ کمیٹی، عدالتی تحقیقاتی کمیشن پر بھی غور کیا گیا اور کچھ اہم اقدامات بھی تجویز کئے گئے۔
