بلوچستان ہائی کورٹ نے سانحہ مستونگ از خود نوٹس کیس میں ایم ڈبلیو ایم اور شیعہ علما کونسل کو فریق بنا لیا

کوئٹہ چیف جسٹس بلوچستان ہائی کورٹ نے سانحہ مستونگ از خود نوٹس کیس کی سماعت کے دوران مجلس وحدت مسلمین پاکستان اور پاکستان شیعہ علماء کونسل کی جانب سے دی گئی درخواست منظور کرتے ہوئے انہیں اس کیس میں فریق بننے کی اجازت دے دی جس کے بعد دونوں جماعتوں کی جانب سے اس المناک سانحہ کے حوالے سے بیس صفحات پر مشتمل مفصل رپورٹ عدالت

عالیہ میں جمع کرا دی گئی ہے ،سانحہ مستونگ از خود نوٹس کیس کی مزید سماعت 23 نومبر کو ہو گی ۔
 یاد رہے کہ سانحہ مستونگ کے دوران سفاک دہشتگردوں نے 29 شیعہ افراد کو اس وقت بس سے اتار کرایک قطار میں کھڑا کے گولیوں سے چھلنی کر دیا تھا جب وہ زیارات مقامات مقدسہ کے لیے ایران جا رہے تھے ، عدالت عالیہ بلوچستان نے اس المنات واقع کا از خود نوٹس لیتے ہوئے عدالتی کاروائی کا آغاز کیا تھا ، مقدمہ کی سماعت کے دوران مجلس وحدت مسلمین اور شیعہ علما کونسل نے اس اہم کیس میں فریق بننے کے لیے عدالت عالیہ میں مشترکہ درخواست دائر کی تھی جسے منظو کرتے ہوئے چیف جسٹس بلوچستان ہائی کورٹ نے ان دونوں جماعتوں کو فریق بننے کی اجازت دی۔