مقبوضہ فلسطین
آج اور کل دنیا بھر میں فلسطین کی حمایت میں مظاہرے
قدس بین الاقوامی ادارے نے امت اسلامی سے اپیل کی ہے کہ آج اور کل دنیا بھر میں فلسطین کی حمایت میں مظاہرے کریں۔ فلسطین پریس سنٹر کی رپورٹ کے مطابق قدس بین الاقوامی ادارے نے جمعرات کو ایک بیان میں اپیل کی تھی کہ امت اسلامی کے ساتھ تمام آزاد ضمیر افراد قدس اور مسجد الاقصی کی حمایت میں آج جمعے اور کل اڑتالیس ملکوں کے اسی شہروں میں مظاہرے کریں۔ اس ادارے کے مطابق تمام اسلامی یورپی، افریقی اور امریکی ملکوں اور جہاں جہاں صیہونی حکومت کا سفارتخانہ ہے یہ مظاہرے ہوں گے۔