دہشتگرد اسرائیل کا غزہ پر وحشیانہ حملہ، القسام بریگیڈ کی جوابی کارروائی

شیعیت نیوز: فلسطین کے اسلامی استقامتی محاذ کے مجاہدین نے صیہونی فوجیوں کے مراکز پر سنگین حملے کئے ہیں۔

حماس کے فوجی بازو القسام بریگیڈ نے اعلان کیا ہے کہ اس کے مجاہدین نے جنوبی غزہ کے شہر رفح کے مشرق میں واقع مسجد الشبلی کے اطراف میں ایک صیہونی فوجی کا شکار کیا۔

القسام بریگیڈ کے مجاہدین نے اسی طرح نتساریم سیکٹر پر صیہونی فوج کے کمانڈ سینٹر پر رجوم میزائل سے حملہ کیا ہے۔

اسی کے ساتھ جہاد اسلامی فلسطین کے فوجی بازور سرایا القدس نے بھی اعلان کیا ہے کہ شہر رفح کے مشرق میں صوفا فوجی مرکز پر مارٹر سے حملہ کیا ہے۔

ادھر صیہونی ذرائع ابلاغ نے غزہ کے مضافات میں واقع علاقے ناحل عوز پرمتعدد راکٹ گرنے کی خبر دی ہے۔

صیہونی میڈیا نے خبر دی ہے کہ اسرائیلی فوج نے غزہ کے علاقے شجاعیہ پر حملہ کیا ہے۔

یہ بھی پڑھیں:اسرائیل لبنان ممکنہ جنگ کے پیش نظر امام جمعہ نجف کا سید حسن نصراللہ کو خط

صیہونی میڈیا نے دعوی کیا ہے کہ صیہونی فوج نے یہ حملہ شجاعیہ میں القسام بریگیڈ کے مجاہدین کی واپسی کی اطلاع ملنے کے بعد کیا ہے۔

اس درمیان الجزیرہ نے شجاعیہ پر صیہونی فوج کے شدید فضائی حملے اور گولہ باری کی خبر دی ہے۔

فلسطینی ذرائع نے شجاعیہ پر صیہونی فوجیوں کے حملے میں متعدد فلسطینیوں کے شہید اور زخمی ہونے کی خبر دی ہے ۔

فلسطینی ذرائع نے اسی کے ساتھ شجاعیہ سے دسیوں ہزار فلسطینیوں کی نقل مکانی کی خبر دیتے ہوئے عالمی براداری سے مطالبہ کیا ہے کہ شجاعیہ کے عام شہریوں بالخصوص بچوں کے تحفظ کے لئے فوری اقدام کرے۔

گزشتہ چوبیس گھنٹے میں غرب اردن کے علاقے جنین اور شمالی مقبوضہ فلسطین میں لبنان کی سرحد سے ملحقہ علاقوں میں صیہونیوں کے بائيس فوجی زخمی ہوئے ہیں۔