حماس کی تجویز فتح کا خیر مقدم

فلسطینی ذرائع کے مطابق تحریک فتح کے اس سینیئر رکن نے ایک بیان میں کہا ہے کہ غزہ کی اسمبلی میں تحریک فتح کے نمائندوں کی واپسی کیلئے، جو سیاسی اختلافات کی بناء پر سنہ دو ہزار چھے میں غزہ سے چلے گئے تھے، اسماعیل ہنیہ کی دعوت، ایک مثبت اور تعمیری قدم ہے۔ ابو زائدہ نے تحریک فتح کے رہنماؤں سے اپیل کی ہے کہ وہ تحریک حماس کی اس اپیل کا منطقی جواب دیں اور تحریک فتح کے نمائندوں کو واپس غزہ روانہ کردیا جائے۔قابل ذکر ہے کہ فلسطین کی منتخب عوامی و قانونی حکومت کے وزیراعظم اسماعیل ہنیہ نے غزہ میں ایک کانفرنس میں سنہ دو ہزار چودہ کو فلسطین کے قومی آشتی اور فلسطینی اقدار کی حمایت کے سال سے تعبیر کرتے ہوئے اعلان کیا ہے کہ فلسطین کی حکومت، متحدہ قومی حکومت کی تشکیل اور انتخابات کے انعقاد کی حمایت کرتی ہے