صہيوني حکومت کے مظالم پر فلسطينيوں کا وسيع احتجاج
اسرائيل کے مجرمانہ اقدامات کے خلاف فسلطيني عوام کے منظم احتجاج اور بھرپور مظاہروں کي خبريں موصول ہورہي ہيں-
اسرائيلي جيلوں ميں بند فلسطيني قيديوں کے اہل خانہ نے غزہ اور غرب اردن ميں عالمي ريڈ کراس سوسائٹي کے دفتر کے سامنے دھرنا ديا ہے-
غزہ اور رام اللہ ميں عالمي ريڈکراس کے دفتر کے سامنے دھرنا دينے والے لوگ اسرائيلي جيلوں ميں تمام فلسطيني قيديوں کي رہائي کا مطالبہ کر رہے تھے-
مظاہرين نے ايک ميمورنڈم بھي عالمي ريڈکراس سوسائٹي کو پيش کيا جس ميں عالمي برادري سے اپيل کي گئي ہے کہ وہ فلسطيني عوام اور خاص طور پر فلسطيني قيديوں کے خلاف اسرائيل کے مجرمانہ اقدامات بندکرانے کے لئے اپنا اثرو رسوخ استعمال کرے-
درايں اثنا فلسطيني قيديوں کے حامي کلب کے صدر قدورہ فارس نے بھي عالمي برادري سے اپيل کي ہے کہ وہ فلسطينيوں کے خلاف اسرائيل کے غير انساني اقدامات کي روک تھام کے لئے اس پر دباؤ ڈالے-
فلسطيني قيديوں کے حامي کلب کے صدر نے اپنے بيان ميں کہا ہے کہ اسرائيلي جيلوں ميں بند فلسطيني قيديوں کے خلاف اسرائيلي اہلکاروں کي جانب سے غير انساني سلوک کيا جارہا ہے-
انہوں نے کہا کہ اسرائيل نے کم سن فلسطيني بچوں کي گرفتاري کا سلسلہ بھي بند نہيں کيا ہے اور گرفتار ہونے والے فلسطينيوں کو ايذائيں دي جاتي ہيں-
ادھر اطلاعات ہيں کہ اسرائيلي جيلوں ميں بند فلسطيني نوجوانوں نے صيہوني اہلکاروں کے غير انساني اقدامات کے خلاف جيلوں ميں بھوک ہڑتال شروع کردي ہے
