فلسطين اور بيت المقدس کا مسئلہ عالم اسلام کا سب سے اہم مسئلہ

حزب اللہ لبنان کے سربراہ سيد حسن نصر اللہ نے کہا کہ فلسطين اور بيت المقدس کا مسئلہ عالم اسلام کا سب سے اہم مسئلہ ہےـ
سيد حسن نصر اللہ نے جمعے کے روز عالمي يوم قدس کي مناسبت سے جنوبي بيروت کے  شہيد محمد باقر الصدر ہال ميں ايک اجتماع سے خطاب کرتے ہوئے کہا کہ اختلافات اور بعض حلقوں کي طرف سے علاقے ميں کھڑي کی  جارہي مشکلات سے فلسطين اور بيت المقدس کي اہميت ميں کوئي کمي واقع نہيں ہوگي اور اس مسئلے کو ہرگز نظر انداز نہيں کيا جا سکتاـ
حزب اللہ لبنان کے سربراہ نے علاقے ميں رونما ہونے والي تبديليوں کے سلسلے ميں اسرائيل کي سراسيمگي کا حوالہ ديتے ہوئے کہا کہ مصر ميں حسني مبارک کي حکومت کي سرنگوني کے بعد اسرائيل پر  وحشت  طاري ہے اور سب جانتے ہيں کہ اسرائيل کے لئے مصر کي کيا اہميت تھي ـ
حزب اللہ لبنان کے سکريٹري جنرل  نے کہا کہ ايران اور غزہ پٹي کے خلاف اسرائيل کے مخاصمانہ موقف مزيد شدت آئي ہےـ انہوں نے کہا کہ اسرائيل ايران کي پرامن ايٹمي سرگرميوں کے بہانے اس ملک پر حملہ کرنا چاہتا ہے تاہم اگر اسرائيل نے ايران کے خلاف ايسي کوئی حماقت کي  تو خود اسرائيل نابود ہوجائے گاـــ