شیخ نبیل قاؤوق: امریکی حکومت کی مایوسی

حزب اللہ لبنان نے جمعے کو شام میں ہونے والےدہشتگردانہ بم دھماکوں کو امریکہ کی مایوسی کی علامت قراردیا ہے۔

 حزب اللہ لبنان کی مجلس عاملہ کے کے نائب سربراہ شیخ نبیل قاؤوق نے شام اور بغداد میں ہونے والے دہشتگردانہ بم دھماکوں پر عرب ملکوں کی خاموشی کو ان بم دھماکوں سے بھی بڑی سازش قراردیا اور کہا کہ عرب لیگ کے دعوؤں کےبرخلاف شام میں جاری بدامنی کا سبب جمہوریت پسندی اور اصلاحات کے لئے عوامی احتجاج نہیں ہے بلکہ امریکہ داخلی جنگ شروع کرانا اور بشار اسد کی حکومت گرانا چاہتا ہے۔

انہوں نے کہا کہ حزب اللہ کی اسٹریٹیجی ڈیٹرینٹ پالیسی اور لبنان کو طاقتور بنانا ہے اور وہ ان خطروں کا مقابلہ کررہی ہے جو صییہونی دشمن کی جانب سے لبنان کو لاحق ہیں۔ شیخ نبیل قاؤوق نے کہا کہ جس طرح سے حزب اللہ نے سیاسی لحاظ سے کامیابیاں حاصل کی ہیں اسی طرح وہ امریکہ کے جاسوس نیٹ ورکوں کا پتہ لگا کر اسکی کی جاسوسی کی کارروائياں بھی ناکام بنادے گي۔

انہوں نے کہا کہ حزب اللہ نے سی آئی اے کو علاقے میں سب سے زیادہ نقصان پہنچایا ہے۔ شیخ نبیل قاؤوق نے امریکہ کی جاسوسی کی کاروائيوں کے بارے میں سعد حریری کے گروہ چودہ مارچ کے موقف کو شرمناک قراردیا اور کہاکہ لبنان میں سی آئی اے کے جاسوس نیٹ ورک کے پکڑے جانے کے بعد آخر کس وجہ سے سعد حریری کو پریشانی لاحق ہوچکی ہے۔