حزب اللہ کے خلاف صہیونی حکومت کی ایک اور گیدڑ بھپکی
تینتیس روزه جنگ میں حزب اللہ کے ہاتھوں سخت ہزیمت اٹھانے کے بعد صہیونیوں اپنی شکست کا بدلہ لینے کے لئے حزب اللہ کے خلاف نفسیاتی جنگ چھیڑ رکھی ہے ۔ اطلاعات کے مطابق قدس کی غاصب حکومت نے حزب اللہ کے خلاف نئی جنگ کی دھمکی دے دی ہے ۔ اسرائیلی وزیراور ریزرو فوجی جنرل یوزی پلیڈ نے
صہیونی فوج کے سرکاری ریڈیو کو انٹرویو میں کہا کہ اسرائیل شمالی سرحد پر ایک نئی جنگ کی طرف بڑھ رہا ہے۔ لیکن ابھی اس بارے میں کچھ نہیں کہا جاسکتا کہ یہ جنگ کب ہوگی۔صہیونی حکومت کے اس وزیر نے ماضی میں حزب اللہ کے ہاتھوں اپنی مسلسل شکستوں کا کوئی ذکر کئے بغیرکہا کہ اسرائیل پر ہونے والے کسی بھی حملے کے لئے حزب اللہ اور اس کے سرپرست شام کو ذمہ دار ٹھیرایا جائے گا ۔واضح رہے کہ حزب اللہ کے جنرل سیکریٹری سید حسن نصراللہ نے اپنےایک تازہ بیان میں کہا ہے کہ حزب اللہ کے خلاف جارحیت کی صورت میں علاقے کا نقشہ بدل کر رکھ دیں گے ۔