ہندوستان کے زیر انتظام کشمیر میں تشدد کا سلسلہ جاری ہے
10 جولائی, 2013 11:04
ہندوستان کے زیرانتظام کشمیر کے شمالی ضلع کپواڑہ میں لائن آف کنٹرول پرآٹھ سے زائد مسلح دراندازوں نے کپواڑہ کی فرقیاں گلی سیکٹر میں فوج کی ہیما پوسٹ کے قریب ہندوستانی علاقے میں داخل ہونے کی کوشش کی جس پرہندوستانی فوج کے ساتھ فائرنگ کا تبادلہ ہوا۔ ہندوستانی فوج کے مطابق فائرنگ میں کم سے کم پانچ مسلح افراد ہلاک ہوگئے۔
واضح رہے کہ ضلع کپواڑہ میں ہندوستانی فوج کی متعدد تنصیبات ہیں اور کنٹرول لائن کے قریب ہونے کی وجہ سے اس علاقے میں پچھلے چوبیس سال سے شدت پسندی کے خلاف سینکڑوں آپریشن کیے گئے ہیں۔
