آل سعود نے اپنے اقتدار کو مضبوط بنانے کے لئےانسداد دہشت گردی قوانین نافذ کر دیئے
سعودی عرب میں حکمراں خاندان آل سعود نےاپنے اقتداو کو مضبوط بنانے اور جمہوریت کی آواز کو ہمیشہ دبانے کے لئے انسداد دہشت گردی قوانین نافذ کر دیئے ہیں انسانی حقوق کی تنظیموں نے انسداد دہشت گردی قوانین پر شدید تحفظات کا اظہار کرتے ہوئے کہا ہے کہ نئے قانون کا مقصد اقتدار پر حکمران خاندان کی گرفت کو مضبوط کرنا ہے۔ گزشتہ سال 16 دسمبر کو کابینہ کی منظوری کے بعد نئے انسداد دہشت گردی قوانین پر سعودی فرمانروا شاہ عبداللہ نے دستخط کردیے تھے۔ اتوار کو سرکاری گریٹ ام القرا میں اشاعت کے ساتھ ہی نئے قوانین کا نفاذ کردیا گیا ہے۔ انسداد دہشت گردی قوانین کے تحت سعودی عرب میں جمہوریت کے لئے سرگرم تنظیموں کی سرگرمیوں پر پابندی ہوگی اور سیکیورٹی فورسز کو گھروں پر چھاپوں، فون کالز اور انٹرنیٹ کی نگرانی کے اختیارات حاصل ہوں گے۔ حکومت کی تبدیلی اور جمہوریت کا مطالبہ کرنے والوں کے خلاف بھی انسداد دہشت گردی قانون کے تحت کارروائی کی جائے گی۔ انسانی حقوق کی تنظیموں نے انسداد دہشت گردی قوانین پر شدید تحفظات کا اظہار کیا ہے۔ ان کا کہنا ہے کہ نئے قانون کا مقصد اقتدار پر حکمران خاندان کی گرفت کو مضبوط کرنا ہے۔
