سعودی تکفیریوں کا نیا اقدام جدہ میں واقع مسجد ’’فاطمہ زہرا (س)‘‘ کا نام تبدیل

اہلبیت علیہم السلام سے تکفیری وہابیوں کی دشمنی کا ایک نیا ثبوت یہ ہے کہ انہوں نے سعودی عرب کے شہر جدہ میں واقع مسجد ’’ حضرت فاطمہ زہرا سلام اللہ علیہا‘‘ کا نام تبدیل کر کے’’ مسجد الرحمہ‘‘ رکھ دیا ہے۔
سعودی عرب کے تکفیری وہابیوں نے حضرت فاطمہ زہرا سلام اللہ علیہا کے مبارک نام سے بنی اس مسجد کا نام تبدیل کر کے ایک بار پھر اہلبیت علیہم السلام اور ان کے شیعوں کی نسبت اپنی دشمنی کا اظہار کیا۔
شہر جدہ کے میونسپل حکام نے مسجد حضرت فاطمہ زہرا(س) کا نام اس بہانے سے تبدیل کیا ہے کہ اس مسجد کے بنانے والے تاجر نے اپنی ماں کے نام سے اس کا نام’’ فاطمہ‘‘ رکھا ہے اور کسی شخص کے نام پر مسجد کا نام رکھنا حرام ہے۔ لہذا انہوں نے اس نام کو بدل کر ’’ مسجد الرحمہ‘‘ رکھا ہے۔ جبکہ اس علاقے کے رہنے والوں نے بتایا ہے کہ اس مسجد کا نام حضرت فاطمہ زہرا سلام اللہ علیہا کے نام پر رکھا گیا تھا نہ کہ بانی مسجد کی ماں کے نام پر۔
سعودی اخبار کی رپورٹ کے مطابق جب سے اس مسجد میں کچھ ایرانی حجاج دفن ہوئے ہیں تب سے یہ مسجد ایرانیوں اور شیعوں کے لیے زیارتگاہ بنی ہوئی ہے !! اس وجہ سے جدہ کے حکام نے اس کا نام تبدیل کر کے انہیں اس مشرکانہ عمل سے روکا ہے۔