ایمنیسٹی انٹرنیشنل کا آیت اللہ نمر باقر کی رہائی کا مطالبہ

انساني حقوق کي عالمي تنظيم ايمنسٹي انٹرنيشنل نے سعودي عرب کي حکومت سے مطالبہ کيا ہے کہ معروف شيعہ رہنما شيخ نمر باقر النمر کو فوري طور پر رہا کرےـ
ايمنسٹي انٹرنيشنل نے ايک بيان ميں کہا ہے کہ معروف شيعہ مذہبي رہنما شيخ نمر باقر النمر نے ملک کے شيعہ شہريوں کے ساتھ حکومت کے امتيازي سلوک پر تنقيد کي ہے جنہيں ايک مہينے سے زيادہ عرصے سے بغير کسي عدالتي کارروائي کے حراست ميں رکھا گيا ہےـ
بيان ميں کہا گيا ہے کہ قيد خانے ميں شيخ نمر باقر النمر کي حالت کے بارے ميں کوئي اطلاع نہيں ہے اور سعودي عرب کي وزارت داخلہ نے اعلان کيا ہے کہ گرفتاري کے وقت وہ مسلح تھے جبکہ شيخ نمر کے اہل خانہ کا کہنا ہے کہ گرفتاري کے وقت وہ اکيلے تھے اور ان کے پاس کسي قسم کا کوئي ہتھيار نہيں تھاـ

ياد رہے کہ شيخ نمر باقر النمر کي گرفتاري کے خلاف مشرقي علاقوں ميں مظاہروں ميں اور بھي شدت آ گئي ہےـ

گزشتہ آٹھ جولائي کو وسيع پيمانے پر مظاہرے ہوئے جس کے دوران سيکورٹي فورس کي فائرنگ ميں کئي مظاہرين مارے گئےـ
اس کےبعد بد امني اور بھي بڑھ گئي ہےـ

جمعرات کو مشرقي علاقوں ميں پھر وسيع مظاہرے ہوئے اور مظاہرين نے سياسي قيديوں کي فوري رہائي کا مطالبہ کيا-