سعودی حکومت کے انقلابیوں پر الزامات بےبنیاد

سعودی عرب میں انقلابیوں نے آل سعود کے الزامات کو بے بنیاد قراردیا ہے۔

العوامیہ ویب سائٹ کے مطابق سعودی عرب میں ترقی و تبدیلی نامی انقلابی تنظیم نے ایک بیان میں کہا ہے کہ آل سعود کی حکومت نے انقلابیوں پر جو الزامات لگائے ہیں وہ بالکل بے بنیاد ہیں اور حقیقت سے ان کا کوئي تعلق نہیں ہے۔ اس بیان میں کہا گيا ہے کہ سعودی عوام اپنے مطالبات پرزور دیتے رہیں گے۔ اس بیان میں مشرقی علاقوں کے عوام سے کہا گيا ہے کہ آل سعود کے جھوٹے اور بے بنیاد الزامات پر احتجاج کرنے کےلئے جمعہ کو مظاہرے کریں۔

یاد رہے کہ سعودی عرب کی حکومت نے مزید تئيس افراد کو گرفتار کر لیا ہے۔ گرفتار شدہ افراد کا تعلق مشرقی علاقوں اور شیعہ فرقے سے ہے۔ گذشتہ مہینوں سے العوامیہ اور قطیف میں آل سعود کی حکومت کے خلاف مظاہرے ہو رہے ہیں۔ مظاہرین اپنے حقوق کا مطالبہ کرتے ہوئے آل سعود کی متعصابانہ اور امتیازی پالیسیوں کے خاتمے کے خواہاں ہیں۔