شام جاکر لڑنے پر 20 سال قید ہوگی، آسٹریلیا کا شہریوں کو انتباہ

آسٹریلیا نے اپنے شہریوں کو متنبہ کیا ہے کہ شام کی لڑائی میں حصہ لینے والوں کو 20 سال قید کی سزا ہوسکتی ہے۔ ذرائع ابلاغ کے مطابق آسٹریلوی وزارت خارجہ کے ترجمان کا یہ بیان شام کے تنازعہ پر میلبورن کے رہائشی شخص کے قتل کے بعد سامنے آیا ہے۔ انہوں نے کہا کہ حکومت ان رپورٹس سے آگاہ ہے جن میں کہا گیا ہے کہ شام میں 2011ء سے جاری دہشت گردی کے واقعات میں 100 سے زائد آسٹریلوی ملوث ہیں۔ ترجمان نے بتایا کہ 1978ء کے کرائمز ایکٹ کے تحت کوئی شخص کسی دوسرے ملک میں داخل ہوکر اس ملک کے خلاف سرگرمیوں میں حصہ نہیں لے سکتا، جس کی خلاف ورزی کی سزا 20 سال قید ہے۔