اپرکرم پاراچنار کے حقوق سازش کے تحت لوئر کرم صدہ کو دئیے جا رہے ہیں، عوامی و سیاسی حلقے

پہلے مرحلے میں سی اینڈ ڈبلیو آفس منتقل کرنے کی کوشش کی جا رہی ہے جو کہ پاراچنار کے لاکھوں قبائل کے ساتھ سراسر زیادتی ہے۔

پاراچنار کی عوامی، سماجی اور سیاسی پارٹیوں کے نمائندوں نے اسلام ٹائمز سے گفتگو کرتے ہوئے کہا کہ بعض عناصر سازش کے تحت علاقے کے حالات خراب کرنے کے لئے پارا چنار سے بعض حقوق اور سہولتیں چھین کر اسے صدہ منتقل کرنے کی کوشش کر رہے ہیں، اور اس سلسلے میں پہلے مرحلے میں سی اینڈ ڈبلیو آفس منتقل کرنے کی کوشش کی جا رہی ہے۔ جو کہ پاراچنار کے لاکھوں قبائل کے ساتھ سراسر زیادتی ہے۔ انہوں نے حکومت کو تنبیہ کرتے ہوئے کہا کہ کرم ایجنسی کے ہیڈ کوارٹر اپر کرم پاراچنار حلقہ این اے37 سے حقوق چھیننے کا سلسلہ بند کریں ورنہ قبائل شدید مزاحمت کریں گے۔