شام میں ۵۰۰ مسلح افراد نے ہتھیار ڈال دئے

شام کے ذرائع ابلاغ نے خبر دی ہے کہ اس ملک میں دھشتگرد ٹولوں سے وابستہ ۴۹۷ افراد نے ہتھیار ڈال کر خود کو فوج کے سامنے پیش کر دیا ہے۔
شام سے موصولہ تازہ ترین اطلاعات کے مطابق دمشق کے مضافاتی علاقوں ، ادلب، حماۃ، حمص، حلب اور قامشلی شہروں سے مسلح افراد ہتھیار ڈال کر سرینڈر ہو گئے ہیں۔
ذرائع کے مطابق مسلح افراد نے اپنا سارا اسلحہ اور دیگر جنگی ساز و سامان بھی فوج کے حوالے کر دیا ہے۔
ادھر درعا کے شہر میں شامی فوج نے کئی دھشتگردوں کو ہلاک کر دیا ہے صوبہ درعا کے جنوبی علاقے غرز الخربات میں فوج کے ساتھ جھڑپوں میں کئی دھشتگرد ہلاک جبکہ دو عام شہری بھی جانبحق ہوئے ہیں۔