آل خلیفہ کی تشدد آمیز کاروائيوں کے خلاف عالمی برادری سے موثر اقدام کی اپیل

بحرین میں چودہ فروری نامی انقلابی تحریک نے آل خلیفہ کی تشدد آمیز کاروائيوں کی روک تھام کےلئے عالمی برادری سے موثر اقدامات کرنے کی اپیل کی ہے۔
لبنان کی العھد ویب سائٹ کے مطابق اس تحریک نے آج ایک بیان میں کہا ہےکہ حقیقی دہشتگرد آل خلیفہ کے حکام اور اسکی سکیوریٹی ایجنسیاں ہیں جو انقلابیوں کو ایذائيں پہنچاتی ہیں۔ اس بیان میں کہا گيا ہےکہ عالمی برادری کو آل خلیفہ کے تشدد آمیز اقدامات روکنے کےلئے موثر قدم اٹھانے چاہیں۔ اس بیان میں آیا ہےکہ آل خلیفہ ملت بحرین کو کچلنے کے ساتھ ساتھ ملک میں فرقہ واریت اور مذہبی فتنے پھیلارہی ہے اور اس طرح سے ملت میں شگاف پیداکرکے اپنے مذموم اھداف تک پہنچنا چاہتی ہے۔ قابل ذکرہے ملت بحرین اپنے پامال شدہ حقوق کی بازیابی اور آل خلیفہ کی جاہلانہ امتیازی پالیسیوں کے خلاف احتجاج کررہی ہے۔