بحرین میں مزید سعودی فوج پہنچ گئی

بحرین میں حکومت مخالف انقلابی گروہوں نے دعوی کیا ہے کہ سعودی حکومت کی جانب سے اسلحے اور ٹینکوں سے لیس نئے تازہ دم دستے سعودی عرب اور بحرین کو آپس میں ملانے والے واحد راستے سے بحریں میں داخل ہو گئے ہیں.
یہ دستے فارمولا ون گرینڈ پرکس نامی ریسنگ ایونٹ کی حفاظت کے لئے بلائے گئے ہیں .
ملک میں بڑے پیمانے پر اس ایونٹ کی مخالفت میں مظاہرے کئے جا رہے ہیں. گذشتہ روز بحرین کے دارالحکومت منامہ میں مظاہرے اسوقت جھڑپوں میں بدل گئے جب پولیس نے مظاہرین پر حملہ کر دیا اور ان پر آنسو گیس پھینکی گئی.
بحرین میں ہر گزرتے دن کے ساتھ حکومت مخالف مظاہروں میں اضافہ ہو رہا ہے اور مظاہرین حکومت کی تبدیلی اور اپنے جائز حقوق کے لئے بڑے پیمانے پر آواز اٹھا رہے ہیں.