دمشق دھماکہ میں مرنے والوں کی تعداد ۴۵ ہو گئی
09 اپریل, 2013 10:41
ارنا خبررساں ایجنسی کے مطابق اگرچہ شام کے سرکاری ٹی وی نے کچھ دیر قبل اعلان کیا تھا کہ آج کے دھماکے میں 15 جاں بحق اور 45 زخمی ہیں لیکن بعض عربی ذرائع کا کہنا ہے کہ جاں بحق ہونیوالوں کی تعداد بڑھ کر 45 تک پہنچ گئی ہے جبکہ دھماکے کے باعث بڑا مالی نقصان بھی ہوا ہے۔
دوسری جانب شام کی سرکاری خبررساں ایجنسی سانا کی رپورٹ کے مطابق دھماکہ دمشق کے مصروف علاقہ "سبع بحرات” اور "شہبندر "میدان میں ہوا جس میں شام کی وزارت خزانہ ،سینٹرل بینک،کئی مدرسے اور بڑے اسٹور واقع ہیں۔ دھماکے کے باعث جانی نقصان کے علاوہ سلیم بخاری مدرسہ ،بعیرا جامع مسجد اور عوام کے گھروں کو بھی شدید نقصان پہنچا جبکہ درجنوں گاڑیوں کو بھی آگ لگی ہے۔
شام کے سرکاری ٹی وی کے مطابق جاں بحق ہونیوالوں کی تعداد میں اضافے کا خدشہ ہے۔
۔۔۔۔۔۔۔۔۔۔۔۔۔
