مشرق وسطی
بحرینی عوام کا مسمار ہونے والی مساجد کے مقامات پر نماز جماعت کا قیام
۱۴فروری کے عوامی انقلاب کے دوران بحرینی عوام پر رعب جمانے کے لیے قرآن کریم کو جلانے اور مساجد کو مسمار کرنے میں آل خلیفہ کی فورسز کے اقدامات بحرینی شہریوں کو ان مسمار ہونے والے مقامات پر نماز پڑھنے سے روک نہیں سکے ہیں۔
بحرین کے شہریوں نے گزشتہ شام کو تباہ ہونے والی کچھ مساجد کے مقاما ت پر حاضر ہو کر نمازجماعت قائم کی ہے۔
بحرین کے الوسط روزنامہ نے تحریر کیا ہے کہ گزشتہ شام کو بہت سے نمازیوں نے ان مسمار ہونے والی مساجد میں سے ایک مسجد”شیخ محمد البریغی” کے مقام پر نماز جماعت قائم کی ہے۔
بعض شہریوں کے بقول سخت گرمی کے ہونے اور چھت نہ ہونے کی وجہ سے کچھ مدت کے لیے ان مقامات پر نماز پڑھنا دشوار ہو چکا تھا لیکن اب موسم بہتر ہونے کی وجہ سے نمازیوں نے دوبارہ ان مقامات پر نماز جماعت قائم کرنا شروع کر دی ہے۔