بحرین میں مظاہرین کی گرفتاریاں
خبروں ميں کہا گيا ہے کہ بحريني عوام نے دارالحکومت منامہ سميت ملک کے کئي شہروں ميں جمہوريت کے حق ميں مظاہرے کئے اور خانداني آمريت کے خاتمے کا مطالبہ دہرايا-
سعودي عرب کے حمايت يافتہ بحريني سيکورٹي اہلکاروں نے کئي مقامات پر مظاہرين کے خلاف طاقت کا بے جا استعمال کيا جسکے نتيجے ميں متعدد مظاہرين زخمي ہوگئے ہيں-
انساني حقوق کے کارکنوں کا کہنا ہے کہ سيکورٹي فورس نے جمہوري حقوق کي بالادستي کا مطالبہ کرنے والے گيارہ افراد کو گرفتار بھي کرليا ہے- مظاہرين نے ملک کے بادشاہ حمد بن عيسي آل خليفہ کو ملک ميں جاري انقلابي تحريک کے آغاز سے اب تک مارے جانے والے مظاہرين کے قتل کا ذمہ دار قرار ديا- بحرين ميں جاري جمہوري تحريک کے دوران درجنوں افراد شہيد ہوچکے ہيں جبکہ لاتعداد لوگ زخمي بتائے جاتے ہيں-
بحرين ميں گزشتہ ايک سال سے انقلابي تحريک جاري ہے اور لوگ ملک ميں آزادي، جمہوريت، سماجي انصاف اور عوامي حکومت کے قيام کا مطالبہ کرتے چلے آرہے ہيں- بحرين کي شاہي حکومت سعودي فوجيوں کے تعاون سے ملک ميں جاري انقلابي تحريک کو کچلنے کي کوشش کر رہي ہے-
سعودي عرب نے مارچ دوہزار گيارہ ميں اپني فوجيں منامہ روانہ کي تھيں جو مقامي سيکورٹي فورس کے ساتھ ملکر انقلابي تحريک کو کچلنے کي کوشش کر رہي ہيں-
