بحرین میں حالات بدستور کشیدہ
03 مئی, 2011 13:55
بحرین میں آل خلیفہ کا تشدد جاری ہے اور سکیورٹی فورسز نے مزید دسیوں افراد کو گرفتار کرلیا ہے۔بحرین میں اہل تشیع کی اکثریت ہے جو اپنے سنی بھائیوں کے ہمراہ حقوق سے محروم ہیں۔ بحرینی عوام نے چودہ فروری سے اپنے حقوق کی بازیابی کے لئے تحریک شروع کر رکھی ہے۔
بحرین میں خلیج فارس تعاون کونسل کا مشترکہ فوجی اڈا
بحرین کی فوج کے کمانڈر ان چیف نے کہا ہےکہ بحرین میں خلیج فارس تعاون کونسل کی مشترکہ فوج کا اڈا قائم کیا جاے گا۔
العالم کی رپورٹ کے مطابق بحرینی مسلح افواج کے کمانڈر ان چیف احمد آل خلیفہ نے کہا ہے کہ خلیج فارس تعاون کونسل کے چھ ملکوں کے معاہدے کےمطابق ان ملکوں کا مشترکہ فوجی اڈا بحرین میں قائم کیا جائے گا۔
یاد رہے کہ خلیج فارس کے چھ عرب ملکوں کے معاہدے کےمطابق ان کی فوجیں دوسرے ملکوں میں تعینات نہیں کی جاسکتی ہیں۔ سپرجزیرہ کے نام سے یہ مشترکہ فوج بیرونی خطروں کا مقابلہ کرنے کے لئےبنائي گئي ہے لیکن بحرین میں انقلاب کے آغاز کے بعد سے یہ مشترکہ فوج بحرین میں نہتے عوام کا قتل عام کر رہی ہے ۔ سیاسی مبصرین نے بحرین میں خلیج فارس تعاون کونسل کی فوج کے اقدام کو نسل کشی سے تعبیر کیا ہے۔
