![](media/k2/itemss/srcc/ccd81c57e10fbed6a9c6cc25f8c721ec.jpg)
![bahrain_mourning_day](images/stories/bahrain_mourning_day.jpg)
تحریک آزادی بحرین کے رہنما عبدالرؤوف شائب نے اس بات پر زور دیا ہے کہ عوامی مطالبات پورے ہونے تک حکومت مخالف مظاہروں کا سلسلہ جاری رہے گا۔ عبدالرؤوف شائب نے پریس ٹی وی کو انٹرویو دیتے ہوۓ مزید کہا کہ بحرین کی انقلابی تحریک میں شیعہ اور سنی دونوں شامل ہیں اور یہ تحریک اس وقت تک جاری رہے گی جب تک آئين میں ترامیم اور نااہل حکام کی برطرفی سمیت تمام عوامی مطالبات پورے نہیں ہوجاتے۔ عبدالرؤوف شائب نے یہ بات زور
دے کر کہی کہ حکومت کے خلاف بحرین کے عوام کی تحریک ایک اہم مرحلے میں داخل ہوچکی ہے اور حکومت اس تحریک کو دبانے پر قادر نہیں ہے۔ عبدالرؤوف شائب نے مزید کہا کہ حکومت بحرین کے مخالفین تشدد کے خلاف ہیں اور اپنے مقاصد کے حصول کے لۓ پرامن مظاہرے ہی بحرین کی عوامی تحریک کی اصل حکمت عملی ہے ۔ واضح رہے کہ بحرین میں فروری کے مہینے سے شروع ہونے والےعوامی مظاہروں میں اب تک کم از کم چوبیس افراد جاں بحق اور تقریبا ایک ہزار زخمی ہوچکے ہیں۔