عمار الحکیم کا عراقی عوام کے اتحاد پر زور

مجلس اعلیٰ انقلاب اسلامی عراق کے سربراہ سید عمار الحکیم نے عراق کی سیاسی جماعتوں اور عوام الناس کو دشمن کے مقابلے کے لئے اتحاد اور یکجہتی کی دعوت دی ہے۔

سید عمار الحکیم نے بغداد ہونے والی ایک اہم ثقافتی  میٹنگ سے خطاب کرتے ہوئے کہاکہ سیاسی جماعتوں اور گروہوں کی اہم امور میں شمولیت اور شراکت ہی عراق کی وحدت اور خود مختاری کا واحد راستہ ہے۔مجلس اعلیٰ کے سربراہ نے عراق کی خود مختاری اور قومی سلامتی اور آزادانہ فیصلہ سازی کی ضرورت پر زور دیا اور کہا کہ خود مختاری اور قومی سلامتی باہمی اتفاق رائے اور مشترکہ لائحہ عمل کے ذریعہ ہی حاصل ہو سکتی ہے۔

عراقی صدر ،وزیر اعظم اور اسپیکر کے انتخابات کے عنوان سے گفتگو کرتے ہوئے ان کاکہنا تھا کہ قومی حکومت بنانے کے لئے سیاسی جماعتوں کے درمیان اتحاد کی ضرورت ہے۔