استقامت کو بہت جلد کامیابی نصیب ہو گی صدر ڈاکٹر محمود احمدی نژاد
اسلامی جمہوریہ ایران کے صدر نے غاصب صیہونی حکومت کی غیر منطقی اور عقل سے بے بہرہ کارکردگی کو انسانی معاشروں کی سعادت اور سکون کے راستے میں سب سے بڑی رکاوٹ قرار دیا ہے
اسلامی جمہوریہ ایران کے صدر ڈاکٹر محمود احمدی نژاد نے ایران کے شمال مشرقی شہر سبزوار میں ایک عوامی خطاب میں کہا ہے کہ غاصب صیہونی حکومت کی جاہلانہ روش بد امنی کا باعث اور ملتوں کی کامیابی کی راہ میں حائل ہوئی ہے صدر ڈاکٹر محمود احمدی نژاد نے خطے کی عوام بالخصوص ملت فلسطین کی سامراج مخالف استقامت کی طرف اشارہ کرتے ہوئے کہا غاصب صیہونی حکومت کے خلاف استقامت کو بہت جلد کامیابی نصیب ہو گی۔ اسلامی جمہوریہ ایران کے صدر نے کہا ایرانی قوم عدل و انصاف اور اہل بیت علیہم السلام کی پیروی کی بنیاد پر ایک مثالی قوم اورمعاشرہ ہے اور ملت ایران نے ظلم و ستم اور امتیازی رویوں کے خلاف نیز عدل و انصاف کے قیام کی لئے کوششیں کی ہیں