ایران
رہبر معظم انقلاب اسلامی: مشرق وسطی اور شمالی افریقہ میں اسلامی بیداری ایک عظیم واقعہ ہے
![shiitenews ayyat ulla khamnai](images/stories/2011/aug/shiitenews_ayyat_ulla_khamnai.jpg)
رہبرانقلاب اسلامی حضرت آیت اللہ العظمی خامنہ ای نے فرمایا کہ بعض لوگ عالمی سطح پر اسلامی جمہوریہ ایران کے اعتبار اور ساکھ کو نقصان پہنچانے کی کوشش کر رہے ہیں اور بعض لوگ یہ کہنا چاہتے ہیں کہ چونکہ اسلامی حکومت نے اپنے اصولوں پر استقامت کا مظاہرہ کیا ہے لہذا عالمی سطح پر اسلامی جمہوریہ ایران کی ساکھ کو نقصان پہنچا ہے جبکہ بعض موقعوں پر جب حکام مغرب کے سامنے گھٹنے ٹیک دیتے تھے مغرب کا رویہ مزید سخت اور برتاؤ توہین آمیز ہوجایا کرتا تھا۔
رہبرانقلاب اسلامی نے تاکید فرمائي کہ جب بھی اسلامی نظام نے امریکہ اور یورپ کے سامنے نرمی کا مظاہرہ کیا ہے امریکہ و یورپ گستاخ ہوتے گئے ہیں اور جب بھی اسلامی نظام نے انقلاب کے اصولوں اور نعروں پر استقامت کا مظاہرہ کیا ہے اسلامی جمہوریہ ایران کی عزت وسربلندی میں اضافہ ہوا ہے۔
آپ نے علاقے کی صورتحال کی طرف اشارہ کرتے ہوئے تاکید فرمائي کہ اس وقت علاقے کے حالات امریکہ اور عالمی صیہونزم کے تصور اور پلاننگ کے مکمل برخلاف جا رہے ہیں۔
آپ نے علاقے میں اسلامی بیداری کو غیر معمولی واقعہ قراردیا اور فرمایا کہ اس وقت مصر، تیونس اور یمن میں کے حالات کے پہلوؤں کا اندازہ نہیں لگایا جاسکتا۔ ان کے عظیم پہلو مستقبل میں واضح ہوں گے۔
ولی امر مسلمین نے مشرق وسطی اور شمالی افریقہ کے حالات کی طرف اشارہ کرتے ہوئے فرمایا: علاقائی قوموں میں اسلامی بیداری ایک عظیم واقعہ ہے جس کی نظیر انقلاب اسلامی کی ابتدا سے لیکر آج تک نہیں ملتی۔