سامراج شیعہ وسنی، عرب و عجم اختلاف پیدا کرنا چاہتا ہے

اسلامی جمہوریہ ایران کے صدر ڈاکٹر احمدی نژاد نے علاقے کی حکومتوں اور قوموں کو انتباہ دیا ہے کہ

سامراجی ممالک ایران عرب اور شیعہ سنی اختلافات پھیلانے کے درپئےہیں۔ صدر جناب احمدی نژاد نے  ایران کے جنوب مشرقی صوبہ سیستان وبلوچستان کے صدر مقام زاہدان میں عوام کے بڑے اجتماع سے خطاب میں کہا کہ سب کو ہوشیار رہنا ہوگاتا کہ امریکہ کے ہاتھوں کھلونہ نہ بن جائيں ۔ انہوں نےاس بات پر تاکید کرتےہوئے کہ صیہونی حکومت کی عمر اب ختم ہوچکی ہے کہا کہ علاقے کی قومیں بیدار ہوچکی ہیں لیکن سامراجی ممالک علاقے کے ملکوں کے درمیاں اختلافات پھیلانے کی کوشش کررہےہیں۔ صدر جناب احمدی نژاد نے کہا کہ مستقبل قریب میں امریکہ، صیہونی حکومت اور ان کے اتحادیوں کے بغیر نیا مشرق وسطی وجود میں آجائے گا۔ انہوں نے کہا کہ یہ قوموں کا حق ہےکہ وہ آزاد رہیں اور اپنی حکومت کو منتخب کریں ، انہوں نے کہا انتخابات ، عدل وانصاف، پاکیزگي اور تہذیب وتمدن قوموں کا حق ہے اور قومیں عدل و انصاف و پاگيزگي ، توحید اور برادری کی خواہاں ہیں لیکن سامراج ان سے غلط فائدہ اٹھانے کے درپئے ہے۔ صدر جناب احمدی نژاد نے کہا کہ ملت ایران اور علاقے کی قومیں صیہونی حکومت کے وجود سے راضی نہیں ہیں اور اس کے خلاف ہیں اور جب تک علاقے سے امریکہ اور صیہونی حکومت کی بساط نہیں لپیٹ دی جاتی وہ جدوجہد جاری رکھیں گي۔

ایران کا نام ظلم سے نجات کی بشارت

اسلامی جمہوریہ ایران کے صدر ڈاکٹر احمدی نژاد نے کہا ہے کہ ایران دنیا کا سب سے زیادہ طاقتور ملک ہے۔ صدر جناب احمدی نژاد نے بدھ کو صوبہ سیستان وبلوچستان میں شہدا کے اہل خانہ سے خطاب میں کہا کہ ساری دنیا میں آگہی اور بیداری پھیل رہی ہے ۔ انہوں نے کہا ایران دنیا کا سب سے زیادہ طاقتور ملک ہے اور کوئي بھی حکومت ملت ایران کو مرعوب نہيں کرسکتی ۔ انہوں نے کہا کہ دراصل ایران کا نام اقوام عالم کو ظلم و ستم سے نجات کی نوید دیتا ہے۔ صدر جناب احمدی نژاد نے علاقے میں مغرب کی نئي سازشوں، فتنہ انگيزیوں اور مداخلت کی طرف اشارہ کرتےہوئے کہا کہ امریکہ اور اس کے اتحادی چاہتے ہیں کہ فریب کاری سے اپنی ساکھ سدھار لیں لیکن انہیں کامیابی نہیں ملے گي۔ انہوں نے شہدا کے اہل خانہ سے خطاب میں کہا کہ آپ کے بچوں کی قربانی اور شہادت سے آج سا ری دنیا کے لئے نیا راستہ کھل رہا ہے۔ صدر جناب احمدی نژاد نے علاقے بالخصوص سیستان و بلوچستان میں حالیہ برسوں میں امریکی عناصر کی دہشتگردی کی طرف اشارہ کرتےہوئے کہا کہ امریکہ یہ سوچ رہاتھا کہ جاہلانہ اقدامات سے اس علاقے کے لوگوں کے ارادہ میں خلل ڈال سکتا ہے جبکہ ملت ایران نے جو راستہ چن لیا ہے اس سے نہیں ہٹے گي ۔ صدر جناب احمدی نژاد نے کہا کہ ایران کی ہوشیار اور انقلابی ملت مزید جوش و جذبے کےساتھ ڈٹی ہوئي ہے اور اس کے سامراجی دشمنوں کے دلوں میں ایران کو نقصان پہنچانے کی حسرت ہی رہ جائے گي۔