یمن پر حملے کے لیے سعودی عرب نے اب برطانیہ سے فوجی مدد مانگ لی
WebDesk
15 ستمبر, 2026 10:21
سعودی عرب
شیعیت نیوز : امریکی صدر کی جانب سے یمن جنگ میں مزید تعاون سے انکار کے بعد، سعودی عرب نے انصار اللہ کے خلاف حملوں اور یمن میں مسلسل مداخلت کے لیے اب برطانیہ سے مدد طلب کر لی ہے۔
امریکی خبر رساں ادارے ‘بلومبرگ’ نے باخبر ذرائع کے حوالے سے انکشاف کیا ہے کہ برطانوی وزیر اعظم اینڈی برنہم سعودی عرب کی اس اہم درخواست کا جائزہ لے رہے ہیں۔ اس درخواست میں یمن کی مزاحمتی تنظیم انصار اللہ کے خلاف فوجی کارروائیوں اور سعودی عرب کے تیل کے بنیادی ڈھانچے کے تحفظ کے لیے براہ راست برطانوی فوجی حمایت فراہم کرنے کا مطالبہ کیا گیا ہے۔
یہ بھی پڑھیں : ایران کی شرائط پوری ہونے تک امریکہ سے کوئی مذاکرات نہیں ہوں گے، محسن رضائی
رپورٹ کے مطابق، اس سے قبل ریاض حکومت نے امریکی صدر ٹرمپ سے بھی انصار اللہ کے خلاف کارروائیوں میں فوجی حمایت اور تعاون کی باقاعدہ درخواست کی تھی، تاہم امریکی صدر نے اس درخواست پر عمل کرنے سے صاف انکار کر دیا تھا، جس کے بعد اب سعودی عرب نے مجبوراً برطانیہ کا رخ کیا ہے۔
