یمن کی نئی اور فیصلہ کن حکمتِ عملی: استکباری، صیہونی اور سعودی سازشیں دم توڑنے لگیں

شیعیت نیوز : عالمی استکبار امریکہ اور غاصب صیہونی ریاست کی شہ پر یمن پر مسلط کی گئی ظالمانہ سعودی جنگ عبرتناک شکست کے بعد اب ایک نئے مرحلے میں داخل ہو چکی ہے۔ یمن کے غیور عوام، حوثی مجاہدین اور انصاراللہ نے نہ صرف سعودی و اماراتی اتحاد کو دھول چٹائی ہے، بلکہ غزہ اور لبنان کے مظلومین کی حمایت میں بحیرہ احمر سے امریکی و اسرائیلی بیڑوں کو بھی مار بھگایا ہے۔

جنگ بندی کے باوجود سعودی عرب کی جانب سے یمن کا ظالمانہ محاصرہ، اندرونی معاملات میں مداخلت اور تیل و گیس کی لوٹ مار بدستور جاری ہے۔ اس استعماری رویے کے جواب میں یمنی مسلح افواج اور محورِ مقاومت نے ایک نیا تین نکاتی اسٹریٹجک ایجنڈا جاری کیا ہے جس میں ‘محاصرے کے بدلے محاصرہ’، لوٹ مار پر فیصلہ کن جوابی کارروائی اور سعودی پراکسیز کے خلاف شدید حملے شامل ہیں۔

یہ بھی پڑھیں : غاصب صیہونیوں کو اسلحہ فراہم کرنا جنگی جرائم میں براہِ راست شرکت ہے، کاظم غریب آبادی

معروف تجزیہ نگار ہادی محمدی کی تحریر کے مطابق، سعودی ولی عہد محمد بن سلمان کو جان لینا چاہیے کہ مالی امداد کا جھانسہ دے کر یمنی عوام کے حقوق سلب نہیں کیے جا سکتے۔ یمن نے جیزان، نجران اور عسیر کے مقبوضہ صوبوں کو آزاد کرانے کا عزم کر رکھا ہے۔ اگر ریاض خطے میں پائیدار امن کا خواہاں ہے تو اسے امریکی و صیہونی اتحاد کا مہرہ بننے کے بجائے یمن کا محاصرہ فوری ختم کرنا ہوگا، بصورت دیگر ہزاروں اہم سعودی اہداف یمن کی ہٹ لسٹ پر ہیں۔