امریکی حملے بین الاقوامی قوانین کی کھلی خلاف ورزی، ایرانی وزیر خارجہ کا یورپی یونین کو سخت پیغام

شیعیت نیوز : ایرانی وزیر خارجہ عباس عراقچی نے یورپی یونین کی خارجہ پالیسی سربراہ کایا کالاس سے ٹیلیفونک گفتگو میں امریکی اقدامات کی شدید مذمت کی ہے۔

انہوں نے کہا کہ ایران کے خلاف امریکی حملے اقوام متحدہ کے منشور اور بین الاقوامی قوانین کی صریح خلاف ورزی ہیں۔ ان حملوں نے موجودہ جنگ بندی کے انتظام کو مؤثر طور پر سبوتاژ کر دیا ہے اور خطے میں کشیدگی میں اضافے کا خطرہ پیدا کر دیا ہے۔

عباس عراقچی نے واضح کیا کہ اگر اس صورتحال کے نتیجے میں خطرناک اور غیر متوقع نتائج سامنے آئے تو اس کی مکمل ذمہ داری امریکی حکومت پر ہوگی۔

یہ بھی پڑھیں : شہید امت آیت اللہ سید علی خامنہ ایؒ کی شہادت پر پاکستان میں سوگ اور یکجہتی کا سیلاب، مینار پاکستان پر تاریخی اجتماع

انہوں نے عالمی برادری اور اقوام متحدہ کے رکن ممالک کی خاموشی پر تنقید کرتے ہوئے کہا کہ ایسے جارحانہ اقدامات کے مقابلے میں بین الاقوامی بے عملی خطے اور دنیا میں عدم استحکام کو مزید بڑھا سکتی ہے۔

ایرانی وزیر خارجہ نے زور دیا کہ بین الاقوامی قوانین کی پاسداری اور اقوام متحدہ کے اصولوں کا احترام عالمی امن و سلامتی کے لیے ناگزیر ہے۔ جارحانہ اقدامات کے خلاف مؤثر ردعمل نہ دینا مستقبل میں مزید بحرانوں کو جنم دے سکتا ہے۔